Angli bëhet baba me trinjakë që 16 vjeç

Dean Mao sapo ka festuar përvjetorin e 16-të të ditëlindjes dhe është bërë baba 3 herë brenda një dite. E dashura 17-vjeçare, Siobhan Daly lindi disa ditë më parë, duke i dhënë titullin Dean Mao-s, “babai më i ri me trinjakë”. Bebet me emrat Shauny, Summer dhe Savana janë tre vajza identike. Babai i lumtur thotë se kur mori vesh që ishin tre fëmijë bërtiti me të madhe nga gëzimi. “Jemi të rinj, por do të jemi prindërit më të mirë në botë”, thotë ai. “Po presim me padurim të kthehemi të pestë në shtëpi, që t’i kemi të gjitha për vete”, thotë nëna e re. Familja e re do të jetojë me nënën 48-vjeçare të vajzës. “Kemi shumë motra dhe vëllezër, prandaj kujdestarët nuk do të na mungojnë”, thotë babai.