Nevoja seksuale mes partnerëve nuk ecën gjithnjë paralelisht

Seksi fillon në kokë, por nuk ka një zonë të caktuar të trurit që është përgjegjëse për dëshirën seksuale. Ajo është një kombinim i ndezjes së disa pjesëve të trurit që janë përgjegjëse për veprime të veçanta. Vetëm kur krijohet ky kombinim lindin dëshirat seksuale. Për rastin e mashkullit, seksi nuk është vetëm kënaqësi, por edhe një lloj sporti për të stërvitur mendimet. Truri rregullon edhe prodhimin e hormoneve seksuale. Shkencëtarët kanë zbuluar që edhe hormoni prolaktinë rritet tepër gjatë seksit, si tek meshkujt edhe tek femrat. Deri tani dihej vetëm që ky hormon ndikon në krijimin e qumështit të nënës. Por duket të jetë i rëndësishëm edhe për orgazmën. Kështu meshkujt kanë nevojë për pushim pas arritjes së orgazmës pasi niveli i prolaktinës është shtuar shumë në trupin e tyre.
Dëshira për seks
Nga një kërkim i bërë nga fabrikanti i kondomeve është konstatuar që holandezët kryejnë marrëdhënie seksuale mesatarisht 91 herë në vit. Holandezët zinin vendin e nëntë në listën botërore. Në vendin e parë ishin francezët, të cilët kishin marrëdhënie seksuale 141 herë në vit. Më pas vijonin amerikanët me 138 herë dhe në vendin e tretë ishin rusët, me 131 herë në vit. Në një kohë kur kafshët kryejnë aktin vetëm për t'u shumuar, seksi është për njerëzit edhe një formë argëtimi. Për njerëzit akti seksual është gjithashtu një faktor i rëndësishëm për të pasur një lidhje të fortë dhe të shëndetshme me partnerin. Njeriu ka disa periudha në jetën e tij, ku dëshira për seks shtohet apo pakësohet. Zakonisht këto periudha kanë formën e dallgëve, pra edhe nëse ndonjëherë nuk do të keni dëshirë për të pasur marrëdhënie, mos u mërzisni, pasi do të jetë një situatë e përkohshme. Nevoja seksuale midis partnerëve nuk ecën gjithnjë paralelisht. Kjo gjë mund të sjellë probleme në lidhjen e tyre.
Mos u besoni të afërmve apo shokëve të cilët ju thonë që kanë të paktën 3 herë në javë marrëdhënie me partnerin e tyre. Nga kërkime të ndryshme që janë zhvilluar, është konstatuar që njerëzit kryejnë më rrallë aktin seksual se sa u tregojnë njerëzve të tjerë. Kështu rreth 40% e burrave midis moshës 18 dhe 45 vjeç kryejnë më pak se një herë në 2 javë aktin seksual.
Kini kujdes nga monotonia në shtrat.
Problemet
Rreziku më i madh në një marrëdhënie të gjatë seksuale është mërzitja dhe monotonia në shtrat. Monotonia si dhe irritimet e vogla të përditshme, të cilat merren me vete kur shkon në shtrat, mund të influencojnë negativisht motivin për të pasur marrëdhënie me partnerin. Nga kjo vjen që kryerja e aktit të rrallohet nga një herë apo dy në javë, në një herë në muaj ose më rrallë se kaq. Kur çifti vjen në një situatë të tillë është mirë të krijohet diçka e re. Një faktor i rëndësishëm në këtë periudhë është kreativiteti, i cili e mban lidhjen sa më të freskët. Faktorë të tjerë të cilët influencojnë negativisht dëshirën për të pasur marrëdhënie seksuale janë tek femrat: frika për marrjen e ndonjë sëmundjeje gjatë aktit seksual, përdorimi i ilaçit kundër mbetjes shtatzënë (anti-conception). Disa lloje të tilla ilaçesh përbëhen nga një sasi e madhe progestoroni, i cili ul dëshirën për të pasur marrëdhënie. Ndërkohë që tek burrat faktorët negativë janë: tensioni për të kryer aktin seksual sa më suksesshëm si dhe përdorimi i tejkaluar i alkoolit. Seksologët amerikanë Masters dhe Johnson konstatuan që 47% e femrave pas lindjes, të paktën për një periudhë prej 3 muajsh kanë pak dëshirë për të pasur marrëdhënie seksuale. Rreth 22% nga femrat e pyetura kishin pushuar së kryeri aktin seksual.

Orgazma
Shumë femra e kanë të vështirë të mësojnë të arrijnë orgazmën edhe pse ditët e sotme atyre u thuhet se e kanë shumë të lehtë të jenë të afta për të arritur në qiellin e shtatë. Pavarësisht këshillave që jepen me anë të medias, por edhe në libra të ndryshëm, qofshin këta romanikë apo erotikë, studimet e fundit kanë treguar se pjesa më e madhe e femrave e ka të pamundur të ketë siguri në arritjen e orgazmës, të paktën deri në dy vjet pas eksperiencës së tyre të parë seksuale. Megjithatë, ka shumë femra të cilat nuk përshihen në përfundimin e këtij kërkimi, për shembull shumë vajza adoleshente kanë mësuar të eksitojnë veten e tyre përmes masturbimit edhe pse nuk kanë shkuar asnjëherë me një djalë. E rëndësishme është që në çdo moment të qëndroni të qetë dhe të shijoni momentin, pa u shqetësuar nëse do të arrini apo jo orgazmën.

Mosha
Pothuajse çdo femër duhet të jetë a aftë të arrijë në orgazëm, por edhe të shumëfishojë orgazmat nëse dëshiron. Nëse ktheheni pas në ditët që ka jetuar nëna juaj, të flitej për seksin ishte një tabu dhe të flisje për orgazmën ishe një tabu edhe më e fortë. Deri në fillim të viteve 1900 ishte e pazakontë për një "zonjë" të kërkonte me insistim orgazëm dhe nëse shprehte dëshirën për ta shumëfishuar atë, ishte edhe më e çuditshme dhe fyese. Por me kalimin e viteve, në moshën e rinisë së nënës suaj, shumë të ashtuquajtur "ekspertë", sugjeruan se shumëfishimi i orgazmës ishte i pamundur për pjesën më të madhe të femrave. Megjithatë mosha është një faktor i rëndësishëm ndikues në jetën seksuale. Kjo vjen edhe në varësi të menopauzës, shqetësimeve, si dhe rënies të dëshirës seksuale. Por edhe pas menopauzës ndizet dëshira e fortë seksuale të femrat.

Masturbimi
Nuk ka asgjë të gabuar të dëshirosh dhe të provosh "seksin vetëm me veten tënde". Në të vërtetë ekspertët e seksit nuk bien dakord me idenë se masturbimi mund të jetë një mënyrë e dobishme për të ndihmuar femrat, por mbani gjithmonë në mendje tuaj faktin se po mësuat të arrini në orgazëm, mund të mësoni edhe ta shumëfishoni atë. Pra mos hezitoni. Një gjeneratë më parë, seksi oral konsiderohej si diçka e pisët. Por sipas Majk Davids, profesor i bakteriologjisë, ky përfundim nuk është aspak i vërtetë dhe se me kujdesin e duhur gjatë këtij akti mund të evitohet ngjitja e mikrobeve dhe infeksioneve. Edhe pse masturbimi tani njihet si një e drejtë e gjithsecilit që nuk dëshiron të ndajë jetën seksuale me partnerin tjetër, rreth tij kanë ekzistuar teori të ndryshme që e pranojnë apo dhe e kundërshtojnë.