Ja pesë rrugë të thjeshta për të "nxehur" atmosferën

Përkundër teorive të zakonshme se vetëm seksi i gjatë është i mirë, hulumtimi më i ri i ekspertëve amerikanë dhe kanadezë ka dëshmuar se marrëdhënia kualitative seksuale në fakt zgjat prej tre deri në 13 minuta. Në këtë hulumtim janë shfrytëzuar të dhënat të cilat me dekada i kanë grumbulluar psikologët, doktorët, sociologët dhe këshilltarët për bashkëshortë dhe familje. 68 për qind e të anketuarve kanë pasur për detyrë të pozicionojnë zgjatjen e marrëdhënies seksuale nga momenti i penetrimit e deri tek ejakulimi, duke i përshkruar nëpër kategoritë - i kënaqshëm, mbi mesatar, tepër i shkurtër dhe tepër i gjatë. Përgjigjet e mbledhura kanë qenë befasuese. Marrëdhënien e cila zgjat prej tre deri në shtatë minuta e kanë vlerësuar si të kënaqshme, mbi mesatare është ajo që zgjat prej shtatë deri në 13 minuta, derisa tepër të shkurtër e kanë vlerësuara marrëdhënien e cila zgjat një minutë apo dy. Por nëse do të donit që emocioni të zgjaste sa më shumë atëherë krijoni një situatë erotike që t'iu falë më tepër kënaqësi. Këtë mund ta realizojë çdo femër e cila do të zbatojë disa teknika të thjeshta të cilat të bëjnë një mjeshtre të vërtetë të joshjes. Ja pesë rrugë të thjeshta për të "nxehur atmosferën".
Mbaji sytë hapur
Në ikonografinë që na vjen nga kultura japoneze, shpesh dashnorët bëjnë dashuri me sytë hapur, për ta bërë eksperiencën edhe më eksituese. Hidheni shikimin lart dhe pastaj më poshtë, duke u parë në sy me njëfarë dinakërie ndërsa jeni duke shkëmbyer puthje. Në këtë mënyrë, bëni të mundur që t'i shtoni një anë emotive dashurisë fizike.
Masazhe dhe relaks
Nëse do të donit që partneri juaj të çlodhet, bëjini një masazh tonifikues në kokë, duke bërë me gishta lëvizje rrethore energjike. Në këtë mënyrë ai do të hyjë në një gjendje thuajse hipnoze dhe do të jetë i gatshëm që të bëjë me të vërtetë çdo gjë që ju dëshironi.
Josheni
Bëjeni atë një spektator të veprës tuaj të joshjes. Zhvishuni dalëngadalë përpara një pasqyre që ai ta shijojë spektaklin pak e nga pak, ndërkohë që rrobat bien një e nga një në dysheme. Të jeni të sigurta që do të eksitohet pa masë.
Ndiqni artin oriental
Ndiqni shembullin e dashnoreve të famshme të përshkruara në artin oriental dhe mos u zhvishni krejtësisht. Të mbetesh pjesërisht e veshur, mbart njëfarë misteri që e bën gjithçka edhe më eksituese dhe që bën të dëshirosh, së paku për momentin, atë që nuk mund ta zotërosh. Luani me të gjithë trupin tuaj. Me një dorë, mbajeni pranë vetes, kurse me tjetrën shtrëngoji të pasmet duke e shtyrë drejt vetes.
Ndizni fantazinë
Ndizni fantazinë e tij. Prekeni ndërsa jeni ende të veshura për ta zgjatur edhe më pritjen dhe për të shtuar një pikë misteri tek ajo që ende e mbani fshehur.

Stimuli emocional

Stimuli emocional është i motivuar dhe i udhëhequr nga nevoja për kënaqësi dhe dashuri. Ai ushqehet nga fantazia dhe imagjinata erotike. Në këtë përmasë intime dhe emocionale futet si raporti që personi ka me veten, ashtu edhe marrëdhënia që ndërton me të tjerët. Vetëvlerësimi, besimi në vete dhe në aftësitë personale, të pëlqyerit dhe një imazh i mirë trupor janë mbështetës të mrekullueshëm të dëshirës. Por edhe cilësitë e marrëdhënieve që vendosen jashtë "zonës" seksuale janë shumë përcaktuese, pra mënyra e të jetuarit të lidhjes emocionale të dashurisë, aftësia për t'i besuar tjetrit, përkundja në intimitet, harrimi në ndjenja dhe pasion e të tjera si këto. Në dukje ngjajnë me diçka krejt të ndryshme nga dëshira, por ajo nuk është vetëm produkt trupor dhe është shumë lehtë e modifikueshme prej të gjitha ndjesive. Janë të rëndësishme edhe arsyet që shtyjnë në sjellje seksuale, si: ankth, trishtim, ndjenjë vetmie, afeksion, nevojë për intimitet emocional.

Nxitësit e dëshirës

Hormonet janë pjesë e rëndësishme e mirëqenies dhe mirëfunksionimit të organizmit njerëzor. Rol të rëndësishëm luajnë po ashtu edhe hormonet seksuale. Ajo që vë në lëvizje një seri procesesh neuro-kimike zinxhir lind nga një nevojë parësore e species: riprodhimi. Atë e ndiejnë të dyja sekset, si femrat dhe meshkujt. Kjo ndjesi është e udhëhequr nga hormonet mashkullore, mbi të gjitha nga testosteroni, aleat i madh i eksitimit. Te femrat, hormonet estrogjene kanë një rol të madh në mirëqenien psikofizike të tyre dhe kanë një rol paraprak për një epsh të shëndetshëm, ndërkohë që prolaktina, hormoni që nxit prodhimin e qumështit, ushtron një efekt frenues. Por ka hormone të tjera që, dhe pse më pak të njohur, ndikojnë mjaft në atë mister të quajtur dëshirë, siç është Oksitocina, që jo vetëm favorizon dëshirën e përforcon lidhjet emocionale, por mendohet se ajo mund të ketë një rol kyç në orgazëm dhe në atë ndjesinë e ngopjes pas orgazmës.

Nxitësit e dëshirës

Ndjesia se magjia është venitur shkaktohet nga "shuarja" e adrenalinës. Herët a vonë bëhet e qartë se si do të jetë rrjedha e dashurisë suaj, po ashtu edhe kurioziteti se çfarë mund t'i dhuroni njëri-tjetrit në shtrat. Është e rëndësishme që të dy partnerët t'i japin mundësi njëri-tjetrit të zbulojë prekje, teknika dhe preferenca të tjera, të ndryshme nga ato që janë dhënë në fillimet e njohjes, duke nisur më puthjen e parë. Kjo do të thotë se me kalimin e viteve ju faturoheni seksualisht. Ndryshimi mes intimitetit romantik të "papjekur" dhe atij të "maturuar" qëndron në faktin se të rriturit mësojnë të kontrollojnë impulset e tyre. Eksitimi seksual nuk është një justifikim për forcuar dikë të bëjë gjëra që e bëjnë të dihet në siklet. Kur partneri thotë "jo" për diçka, pranojeni këtë jo dhe filloni të "hidhini vështrimin" tek diçka tjetër. Sjellja abuzive dhe e ashpër nuk është asnjëherë e pëlqyer.