SHBA 17 VAJZA NE VITIN E PARE NGELIN SHTATZENE

Ndërsa pushimet e verës kanë nisur, 17 vajza nga shkolla e mesme “Gloucester High School” presin të bëhen nëna. Ky numër ka alarmuar mësues e prindër, duke qenë se është katër herë më i lartë se çdo vit tjetër në shkollën me 1200 nxënës. Disa ua vënë fajin statistikave, të tjerë filmave, por drejtori i shkollës, Joseph Sullivan e di arsyen e këtij bumi shtatzënish mes viteve të para të gjimnazit në Nju Jork. Zakonisht shkolla ka rreth katër shtatzënë çdo vit. Autoritetet e shkollës filluan të merren me këtë çështje që në tetor, kur vunë re një numër jashtëzakonisht të lartë vajzash adoleshente që pyesnin pas kontrolleve në qendrën shëndetësore të shkollës në ishin shtatzënë apo jo. Në maj ishte tepër vonë, me dhjetëra vajza përsëritën vizitat dhe 17 prej tyre dolën pozitive ndaj testit të shtatzënisë. Asnjëra prej tyre nuk është më e madhe se 16 vjeç. Po ka edhe më shumë, drejtori zbuloi se një prej baballarëve është një 24-vjeçar i pastrehë. Psikologu thotë se këto përgjithësisht “janë vajza që cilave u mungon vetë-vlerësimi dhe kanë mungesë dashurie në jetë”. “Rreziku më i zakonshëm është mungesa e vetëbesimit, qëllimi dhe mungesa e drejtimit në jetë. Vajzat e vogla kanë nevojë për përkujdesje dhe dashuri pa kushte. Këtë presin se do ta kenë nga fëmijët që do të lindin vetë”, thotë ai. Ireland është njëra prej vajzave të vitit të parë, e cila me mendësinë e moshës tregon sa me fat ndihet kur e di se do të bëhet me fëmijë. Kyla Brown është njëra prej vajzave të tjera. Ajo thotë se shtatzënia e saj nuk ishte e planifikuar. Bebja e saj pritet të lindë në mes të shtatorit. Vetëm muaj e kaluar, dy mjekë të qendrës shëndetësore të shkollës dhanë dorëheqjen, duke qenë se kishin shpërndarë kontraceptivë falas dhe ky fakt kishte ngjallur kritika nga prindërit. Doktor Brian Orr dhe kryeinfermierja Kim Daly pranuan se u kanë dhënë kontraceptivë dhe prezervativë nxënësve, duke u nisur nga “qëllimi i mirë”.