DIVORCET MILIARDERE

Nëse Madona do të vendoste të festonte 50-vjetorin e ditëlindjes me flakën e re të dashurisë, sportistin 32-vjeçar të "New York Yankees", Alex Rodriguez, bashkëshorti i saj aktual do të ishte shumë i interesuar të kërkonte divorcin në Londër. Regjizori Guy Ritchie, i cili që nga dhjetori i vitit 2000 është kthyer në një hije të vërtetë të yllit të muzikës pop, e di mirë se legjislacioni anglez është shumë favorizues për bashkëshortin më pak të varfër dhe më në vështirësi krahasuar me legjislacionin amerikan apo atë të vendeve të tjera europiane. Që ai të sigurojë një pjesë të mirë të pasurisë së këngëtares që vlerësohet në rreth 325 milionë dollarë, divorci duhet të nënshkruhet në Londër, ku çifti ka edhe një shtëpi fshati shmë të bukur që vlen 6 milionë stërlina në lagjen elegante Marylebone. Ish-"material girl" e ka takuar tashmë Fiona Shackleton, avokaten 52-vjeçare bjonde, shumë suksesshme, të famshme sepse ka mbrojtur dy personalitete mbretërore: princin Andrea, që i nda nga Sarah Ferguson në maj 1996 dhe më pas edhe princin Çarls.
Diana mori në atë kohë plot 17 milionë stërlina, por asnjë mundësi për të diskutuar kushtet. Gjatë muajve të fundit, "Manjola e çeliktë", psudonimi që Shackleton ka fituar për shkak të vendosmërisë së saj për të negociuar, është fotografuar shpesh në krah të Paul McCartney. I cili falë, saj arriti të shpëtonte një pjesë të mirë të pasurisë së tij prej 825 milionë sterlinash ose një 1 miliard eurosh në çështjen kudnër gruas së tij të dytë, Heather Mills, të cilës Gjykata Mbretërore e Drejtësisë i dha rreth 33 milionë euro nga pasuria e tij. Për katër vitet e bashkëjetesës me Paul, siç thekson "Financial Times", që vë në dukje zemërgjerësinë e gjykatësve britanikë, në Kalifornia apo në Paris, ajo do të merrte vetëm një sasi parash për jetesën në muaj dhe asgjë më tepër. Gjykatësit anglezë, sidoqoftë, u treguan më pak të mirë me Heather, nëse kemi parasysh se ata vendosën që manjati i sigurimeve, John Charman, që u divorcua nga gruaja e tij në vitin 2006, duhej t'i paguante asaj 48 milionë stërlina, ose 37 për qind të pasurisë së tij. Ose Stephen Marks, themelues i linjës French Connection, që i pagoi bashkëshortes së tij Alisa rreth 40 milionë stërline, duke humbur kështu kontrollin e kompanisë së tij.
Ligji që rregullon çështjet financiare të divorceve në Angli dhe Uells, "Matrimonial Causes Act", daton në vitin 1973, por pikë referimi për gjykatat është vendimi i Dhomës së Lordëve në vitin 2000 për Martin e Pamela White, që u ndanë pas 33 vitesh martesë: pasuria e tyre u nda përgjysmë. Për t'i shpëtuar një vendimi të tillë "të dhimbshëm", u "arratis" nga Londra Roman Abramovich, pronari i klubit të fubotllit të Çelsit, që u nda nga gruaja në mars 2007. Frika e ndarjes përgjysmë të perandorisë së tij me vlerë 16 miliardë euro, për të cilën bashkëshortja, nënë e pesë fëmijëve të tij, e kishte ndihmuar në 16 vjet martesë, bëri që manjati rus të largohej nga kryeqyteti britanik dhe të shkonte në Çukotkën e largët, ku ai bënte ligjin. Larg gjykatësve të Londrës, ai i dha Irinës, një ish-stjuardesë e "Aeroflot", vetëm një pjesë të pasurisë.