30 PLUMBA MBI 2 SHQIPTARE NE ITALI

KASERTA- Dy emigrantë shqiptarë janë ekzekutuar për vdekje në Kaserta të Italisë. Emigrantët Ziber Dani, 40 vjec dhe Artur Kazani, 36 vjec, ky i fundit i me precedentë penale për pjesëmarrje në trafikun e lëndëve narkotike janë qëlluar për vdekje me armë mbrëmë përpara një lokali. Policia dyshon se bëhet fjalë për një hakmarrje e cila ka të bëjë me territorin e trafikut të drogës në zonën e Kazertës. Pikërisht kjo zonë kontrollohej nga emigrantët afrikanë por edhe nga një fraksion i klanit kamorrist ‘kasalezi’. Sipas policisë italiane ndaj 2 emigrantëve shqiptarë kanë qëlluar të paktën 5 persona të cilët ishin të maskuar. Në drejtim të Ziber Danit dhe Artur Kazanit të cilët kanë qenë të ulur në një tavolinë jashtë lokalit, janë qëlluar nga të paktën 30 plumba pistolete. Njëri nga dy shqiptarët nuk ka mundur të largohej nga plumbat dhe gjetur nga karabinierët në karrige, ndërsa shqiptari tjetër ka arritur të largohet, por rreth 100 metra larg lokalit është arritur nga vrasësit dhe është qëlluar per vdekje.

(s.g/ANSA/Balkanweb)