Han: “Sulm dhe gola, kjo Shqipëria ime”

Ari Han ka vendosur. Shqipëria e tij, duke filluar që sot, do të jetë një skuadër që do të shohë gjithnjë përpara. Në sulm. Për të arritur fitoret përmes një loje ofensive. “Nuk mund të pajtohem me një lojë mbrojtëse, nuk është në mentalitetin tim. Do ta shihni që sot kundër skuadrës polake, që kuqezinjtë do të prodhojnë futboll”.

Formacioni – Dilemat janë të vogla. Trajneri mendon që në qendër të mbrojtjes të jenë Dallku dhe Curri ndërkohë që nëpër krahë të luajnë Vangjeli dhe Lila. “Doja të provoja Agollin, megjithatë ky lojtar do të provohet në gusht, pasi nuk vjen dot”, mësohet të ketë thënë Han. Përpara mbrojtjes i vetëm do të qëndrojë Cana i cili do të ketë dy detyra njëkohësisht edhe të shkatërrojë, por edhe të organizojë lojën. Rreth tij do të vërtiten Lala, Duro dhe Skela, ndërkohë që ka balotazh për një sulmues tjetër ofensiv, i cili mund të jetë edhe Bylykbashi. “Këta katër futbollistë do të kenë një detyrë shumë të vështirë – tha Han ? do të luajnë shpejt, do të kombinohen, duhet të jenë të mirë përgatitur fizikisht, jo vetëm për të furnizuar sulmuesin e vetëm, por edhe për të mbrojtur”. Han nuk e thtoë emrin e sulmuesit të vetëm, por, sipas të gjitha gjasave, mund të jetë Bogdani.

Orientimet – trajneri ka vendosur t’i aktivizojë pothuajse të gjithë futbollistët që ka në dispozicion. “Në këtë javë mësova shumë gjëra, – tha Han ?, gjëja e parë që kërkova nga lojtarët është ta mbanin sa më pak topin në këmbë, të luajnë mirë pa top, dhe gjithnjë të gjejnë një lojtar të lirë. E përsëris detyra më e vështirë është për katër mesfushorët”. Shqipëria do të luajë me skemën 4?1?4?1, e paaplikuar më parë nga ish trajnerët kuqezinj.

E ardhmja – në të ardhmen trajneri ka premtuar se do të shohë nga afër dhe të paktën tre futbollistët të tjerë. “Osmani, Muzaka dhe sigurisht Ansi Agolli janë në planet e tij për miqësoren e gushtit – tha një burim në FSHF ? trajneri kërkon të ketë të paktën 22 lojtarë të aftë që të përballojnë fazën eliminatore”.

Axhenda

Polonia dhe Shqipëria do të luajnë sot mes tyre në orën 20:00 në Rutlinger.

Ndeshja do të transmetohet direkt nga supersport.

Të dyja skuadrat zhvilluan nga një ndeshje miqësore me Shafhauzen, skuadër zviceriane, dhe fituan. Shqipëria fitoi 3?1, Polonia 1?0.

Polonia gjendet në Gjermani për t’u përgatitur për finalet e evropianit.

Shqipëria nuk ka asnjë mungesë për arsye dëmtimesh.

Lala: “Fillon një cikël I ri kuqezi”

Kapiteni është i bindur se në eliminatoret e ardhshme do të ketë një hap përpara nga ana e Shqipërisë

Kapiteni i Shqipërisë Altin Lala beson se eliminatoret e ardhshme do të shënojnë një hap përpara në rritjen e skuadrës shqiptare në arenën ndërkombëtare. “Revolucioni po bëhet me kujdes, shoh lojtarë të rinj dhe të talentuar në përfaqësuese. Gjithashtu kemi krijuar një raport shumë miqësor me teknikun Han dhe shpresojmë që të arrijmë rezultate pozitive. Sot kundër Polonisë është një test shumë i rëndësishëm”.

Kampi kundërshtar

Benhaker: Tregoni veten

Trajneri i përfaqësueses polake, Leo Benhaker, ka deklaruar në një intervistë të dhënë se ndeshja e sotme kundër Shqipërisë do të jetë një test i rëndësishëm për futbollistët të cilët duan që të fitojnë një vend në përfaqësuese në finalet e evropianit. “Kjo është ndeshja e fundit përpara finaleve dhe sigurisht që mendoj se të gjithë futbollistët duhet të krijojnë sigurinë se nëse ia dalin të luajnë mirë këtu kundër Shqipërisë do të kenë një vend në formacionin e parë”.

Zuravski kërkon tjetër gol

Zuravski ka qenë ai që ka shënuar në ndeshjen e para tri viteve miqësore kundër Shqipërisë, një ndeshje e fituar 1?0 dhe e luajtur në Poloni. “Po e kujtoj atë gol sepse kam shënuar që në minutën e parë. Ne jemi tanimë një skuadër më e fortë nga asokohe por edhe shqiptarët besoj se duhet të jenë më lart. Ata janë më të impenjuar se ne sot sepse luajnë për gjithçka, ndërkohë që ne duhet të ruhemi nga dëmtimet. Shpresoj të jetë një ndeshje fair?play.