Vlerësime pas negociatave me NATO-n

Ministri i Punëve të Jashtme, Lulzim Basha zhvilloi një takim me Grupin Ndërdikasterial për hartimin dhe Monitorimin e Planit për Anëtarësim në NATO (MAP), bëri të ditur të martën zyra e shtypit pranë MPJ-së.

Ministri Basha përgëzoi grupin Negociator të drejtuar nga Koordinatori Kombëtar për çështjet e NATO-s, Glori Husi për mbylljen me sukses të dy raundeve të Negociatave me Aleancën, duke theksuar se kjo çel rrugën për fillimin e punës për hartimin e Planit të Masave, i cili do t'i paraprije dokumentit për ciklin e 10-të, të MAP.

Ministri Basha kërkoi angazhimin maksimal të të gjitha institucioneve të përfshira në procesin e MAP për hartimin e dokumenteve të lartpërmendura, si dhe përcaktoi kalendarin e detajuar te veprimeve, për periudhën deri në korrik 2008