AKSIDENT NE LUSHNJE VDES SHOFERI

Një aksident i rëndë automo bilistik ka ndodhur mesditën e së shtunës në autostradën Lushnjë-Rrogozhinë, ku ka humbur jetën një person dhe janë plagosur tre të tjerë.Aktualisht, tre të plagosurit ndodhen në spital jashtë rrezikut për jetën dhe në gjendje të mirë shëndetësore, ndërsa policia po punon për dokumentimin
e kësaj ngjarjeje dhe hetimin në detaje të rrethanave dhe shkaqeve të saj. Gëzim Xhindole,57 vjeç, ka qenë duke udhëtuar me automjetin e tij bashkë me vajzën dhe dy nipërit e tij. Në afërsi të fshatit Gore dhe pikërisht në urën e Goresë, rreth orës 11:00, përpara mjetit ka dalë një motoçikletë, e cila ka devijuar,duke sjellë humbjen e kontrollit të mjetit të Xhindoles. Ky i fundit,për të shmangur përplasjen
me motoçikletën, ka dalë nga rruga dhe ka rënë në kanalin me ujë të Goresë. Vajza e tij dhe dy fëmijët kanë dalë nga mjeti në kohë, përpara se ai të fundosej
në ujë, të ndihmuar dhe ngabanorët e zonës. Ndërsa drejtuesi i mjetit, Gëzim Xhindole, ka qenë i lidhur me rripin e sigurimit dhe si pasojë nuk ka mundur
të dalë, duke gjetur vdekjen nga asfiksia në ujë. Mendohet që dalja nga rruga dhe rënia e mjetit në kanal të ketë shkaktuar dhe ndonjë goditje në kokë apo trup
të 57-vjeçarit, i cili nuk ka mundur të heqë dot rripin e sigurimit dhe t'i shpëtojë vdekjes. "Gjithsesi, është grupi hetimor ai që do të zbardhë këtë aksident dhe do të publikojë më pas rrethanat e sakta dhe shkaqet e vërteta të vdekjes së 57-vjeçarit", deklaroi policia.