INFORMACIONE TENIS

INFORMACIONE TENIS

Novak Xhokoviç e Ana Ivanoviç u detyruan të djersinin pa masë në ndeshjet e turit të parë në Roland Garros. Dy tenistët popullorë serbë pritej të kalonin pa probleme kundërshtarët e tyre të panjohur, por ata u detyruan të lodheshin shumë për të fituar. Xhokoviç theu gjermanin Denis Gremelmair 4?6, 6?3, 7?5, 6?2, dhe Ivanoviç, finalistja e vjetshme në Paris, mundi suedezen Sofia Arvidson 6?2, 7?5. “Nuk jam shumë i kënaqur me paraqitjen time të sotme”, tha Novak, numri 3 në botë, që vjet u mund nga fituesi Rafa Nadal në gjysmëfinale. “Isha shumë pasiv dhe rivali im e shfrytëzoi më së miri këtë dobësi, duke merituar plotësisht ta fitonte setin e parë. Më pas dola në lojën time më të mirë, por në setin e tretë rrezikova shumë dhe nëse do ta kisha humbur atë, situata do të ishte komplikuar shumë”. Ndërsa Ivanoviç, që pas tërheqjes së Henin shihet si favoritja kryesore për të fituar Grand Slemin parizien, u shpreh: “Sivjet jam numri 2 në botë dhe kjo më jep shumë më tepër pritshmëri për veten, ndaj duhet të mësohem të jeton me presionin. Sot pata vështirësi, sidomos në setin e dytë, duke u lodhur shumë në çdo pikë, por në një Grand Slem kaq të vështira sa ky, nuk ka ndeshje të lehta, ndaj vështirësitë janë pjesë e çdo sfide”.

Rafael Nadali dhe Maria Sharapova. Nuk janë dy emra të çfarëdoshëm, por emrat e favoritëve teorikë për Roland Garrosin, Grand Slemin e dytë sezonal, në dheun parizien, që nis të dielën. Spanjolli ka me vete petkun e mbretit të padiskutueshëm të dheut të ngjeshur, fakt që ai e ka konfirmuar edhe këtë vit, duke fituar në Monte Karlo, Barcelonë dhe në Hamurg, në finalen dramatike ndaj Federerit. Por ai ka vete dhe tre triumfet rresht në Paris, në po kaq pjesëmarrje që nga debutimi i vitit 2005. Dhe pas një tjetër sezoni të mirë në sipërfaqjen më të ngadalatë në tenisit, ai duket se do ta ruajë rekordin perfekt në Francë, dhe pse Federeri e Xhokoviçi e kanë vënë në vështirësi më të mëdha në ndeshjet e fundit në dhe.Ndërsa rusja ka me vete titullin e numrit 1 në botë. Pasi Zhustin Henin, Mbretëresha e vërtetë në Roland Garros, me tre tituj rresht, u tërhoq papritmas nga tenisi një javë më parë, rusja u ngjit në fronin e numrit 1 për herën e katërt në karrierë. Maria nuk ka qenë kurrë një ndër tenistet më të mira në dheun torturues të Parisit, që nuk i përshtatet aspak gjuajtjeve të saj të forta. Por pasi ka fituar në mënyrë dominuese Grand Slemin e parë sezonal, Australian Open, Sharapova vjen me ambicie më të mëdha se kurrë në Francë. Dhe nëse do “të hiqte qafe” motrat Uilliams, atëherë rruga drejt një triumfi do të kishte si pengesë vetëm serbet Jankoviç e Ivanoviç.

Vazhdon pa asnjë problem marshin
e tij në turneun “Roland Garros”, spanjolli
Rafeal Nadal. Numri 2 i tenisit në
botë, tri herë fitues në Paris, është kualifikuar
për në finale. Ai ka eliminuar pa
asnjë vështirësi finlandezin Jarko Nieminen
në tri sete të shpejta, duke arritur
rezultatin 6-1, 6-3, 6-1. Ndërkohë që është
eliminuar italiani Simone Boleli në
turnin e tretë të “Roland Garrosit”. Ka
fituar ndeshjen me rezultatin 7-6, 6-4,
7, francezi Mikael Lodra
Per femra Maria Sharapova, numri 1 i
tenistit për femra, është kualifikuar për
turnin e tretë të ndeshjeve. Ajo ka eliminuar
amerikanen Betanie Matek, me shifrat
6-2, 3-6, 6-2. Në turnin e ardhshëm,
Sharapova do të përballet me Karin
Knap. Kurse tenistja amerikane, Serena
Uilliams, është eliminuar në turnin e tretë
të “Roland Garros”. Ajo është mundur
nga sllovenia Katarina Srebotnik. 6-4, 6-
4 është rezultati i ndeshjes në favor të
tenistes nga Sllovenia.