Shqipëria në finalen e Eurovizionit

Shqipëria kualifikohet për në finalen e eurovizion 2008. Këngëtarja më e re e festivalit evropian të këngës, Eurovizion, Olta Boka, me një performancë të lartë, arriti që të përzgjidhet nga teleshikuesit e 19 vendeve pjesëmarrëse për të vazhduar më tej garën. Me këngën e kënduar tërësisht në shqip, “Zëmrën e lamë peng”, ajo u ngjit në skenë e gjashta, përkrah përfaqësuesve të Islandës, Turqisë, Letonisë, Maqedonisë, Hungarisë etj. Pas shpalljes së rezultateve, emri i Shqipërisë u shpall i treti duke qetësuar shqiptarët pas dy dështimeve në gjysëmfinalet e dy festivaleve të fundit. Kënga shqiptare u vlerësua gjithashtu edhe nga organizatorët sipas të cilëve muzika dhe zëri i Oltës ishte e një niveli të lartë. Ndërkohë, Olta Boka do të garojë përkrah 24 përfaqësueve nga vende të ndryshme në nëser në Beograd.