Eksplorimi i trupit tuaj ju tregon atë që ju dëshironi

Asnjë nuk mund ta thotë me saktësi se sa të kënaqshme do të jenë kontaktet e ndryshme seksuale që do të ketë ose se çfarë rezultati do të kenë ato. Kjo është e vërtetë edhe kur është fjala për partnerët, marrëdhëniet seksuale që kryejnë dhe kënaqësinë që marrin. Këto përvoja kërkojnë një eksplorim dhe njohje të thellë të trupit tuaj nga ju ose të trupit të të tjerëve. Një mënyrë e mirë për ta bërë këtë është eksplorimi i trupit tuaj. Kjo mund të zhvillojë njohuritë tuaja në të kuptuarit e trupit, të ndjesive dhe të mënyrës se si reagon ai. Masturbimi është një nga mënyrat e këtij eksplorimi. Bashkudhëtarët tuaj
Marrëdhëniet seksuale midis meshkujve dhe femrave quhen marrëdhënie heteroseksuale ose të drejtpërdrejta. Ndërsa marrëdhëniet midis partnerëve të të njëjtit seks quhen marrëdhënie homoseksuale. Meshkujt homoseksualë kanë tërheqje seksuale ndaj meshkujve të tjerë. Ndërsa femrat lesbike kanë tërheqje seksuale ndaj femrave të tjera. Disa njerëz e dinë që janë homoseksualë që në moshë të vogël dhe janë shumë të qetë për këtë fakt. Disa të tjerë mund të mos e dinë këtë, ndërsa shumë të tjerë i fshehin ndjenjat e tyre sepse kanë frikë ose turp që janë ndryshe nga të tjerët. Megjithëse shumë njerëz në ditët tona besojnë se preferencat seksuale të njerëzve janë një çështje personale, jeta mund të jetë shumë e vështirë për një homoseksual për shkak të paragjykimeve që shumë njerëz kanë për homoseksualitetin. Madje, në disa vende homoseksualiteti është ende i paligjshëm. Homoseksualët janë si gjithë të tjerët përsa i përket zotërimit të atij lloji të identitetit seksual që u përshtatet atyre më mirë. Kjo ndryshon nga njëri individ tek tjetri dhe nga njëra marrëdhënie tek tjetra. Preferencat seksuale të njeriut mund të ndryshojnë. Disa njerëz janë aktivë nga ana seksuale si me burrat, ashtu edhe me gratë. Ky lloj identiteti seksual quhet biseksualizëm.
Zgjedhja e destinacionit
Pika fillestare e udhëtimit tuaj në botën e seksit është vetvetja, lejimi i vetvetes për të eksploruar ndjesitë tuaja seksuale dhe për t’u kënaqur me to. Mënyra më e kënaqshme për të arritur rezultatin optimal është nëpërmjet një komunikimi sa më të mirë. Në këtë drejtim ndihmon shprehja e dëshirave që keni.
- Ju mund të dëshironi të bëni diçka që partneri i juaj nuk e ka bërë ndonjë herë më parë.
- Ju mund të dëshironi të kryeni marrëdhënie seksuale më rrallë ose më shpesh se sa partneri juaj.
- Ju mund të dëshironi të keni një fëmijë.
- Ju mund të mos dëshironi të keni një fëmijë.
- Ju mund të dini po aq sa edhe partneri juaj për kryerjen e marrëdhënieve seksuale të sigurta ose pa rreziqe.
- Ju mund të dini më shumë se partneri juaj për kryerjen e marrëdhënieve seksuale të sigurta ose pa rreziqe.
- Ju mund të keni më shumë ose më pak përvojë se sa partneri juaj.
- Ju mund të doni të realizoni me partnerin tuaj skena për të cilat fantazoni.
Këto dallime mund të trajtohen duke komunikuar me partnerin tuaj dhe duke diskutuar me të nevojat dhe dëshirat reciproke. Kjo mund të jetë shumë e vështirë për t’u realizuar që në fillim. Nuk ka ndonjë rrugë të drejtë ose të gabuar për të kryer marrëdhëniet seksuale, në një kohë që ekzistojnë shumë mënyra për të shprehur ndjenjat për njëri tjetrin. Vetë trupi juaj do t’ju tregojë atë që ju dëshironi. Nganjëherë mjaftojnë vetëm puthjet.

Praktikat seksuale

Shumica e praktikave seksuale, qofshin midis njerëzve me seks të kundërt ose të njëjtë, zakonisht përfshijnë prekjen, eksitimin dhe afeksionin. Përvojat seksuale mund të kenë të bëjnë sa me emocionet aq edhe me aktet fizike. Marrëdhëniet pozitive midis dy partnerëve mund të kenë një ndikim të drejtpërdrejtë në marrëdhëniet e tyre seksuale dhe në ndjenjat intime mes tyre. Disa njerëz besojnë se nuk ka kuptim të ketë marrëdhënie seksuale po të mos të ekzistojë dashuria midis dy partnerëve. Por ka të tjerë që nuk kanë një partner të rregullt dhe vazhdojnë të kenë marrëdhënie seksuale aktive. Marrëdhëniet seksuale dhe dashuria nuk janë saktësisht e njëjta gjë. Megjithatë, për shumë njerëz dashuria dhe marrëdhëniet seksuale shkojnë së bashku. Mjetet e informimit shpesh i portretizojnë marrëdhëniet seksuale ose si një aktivitet i natyrshëm që është eksitues dhe pa rreziqe, ose si një aktivitet i dëmshëm, anormal dhe i rrezikshëm.

Nxitjet e momentit

Vendimi për të pasur marrëdhënie seksuale është një vendim i madh dhe është e rëndësishme të kuptohen pasojat e një vendimi të tillë. Mund të jetë një mrekulli, por ju mund të ndjeheni fajtorë dhe të zhgënjyer më pas, nëse mendoni se nuk morët vendimin e duhur dhe nëse nuk ndjeheshit të gatshëm për të hyrë në marrëdhënie të tilla. Njerëz të ndryshëm vendosin të fillojnë aktivitetin seksual për arsye të ndryshme: nga kurioziteti, nga të qenit nën presionin e partnerit të tyre, sepse duan të kënaqin partnerin tjetër, ose sepse shokët/shoqet e tyre e bëjnë një gjë të tillë. Disa të tjerë vendosin që të presin derisa të martohen ose ta njohin mirë partnerin. Nganjëherë ky është një vendim që njeriu e merr nga nxitja e momentit, por, gjithsesi, nuk është gjithmonë një vendim i lehtë për t’u marrë. Por mos harroni se mund të thoni edhe jo. Dhe, pavarësisht nëse thoni po ose jo, mendoni si për pasojat e mundshme, ashtu edhe për kënaqësinë.

Marrëdhënia seksuale

Marrëdhënia seksualë është si një zjarr që gjithkush do ta dëshironte. Për sa kohë shprehet në përkushtimin mbrojtës të një marrëdhënieje që bazohet në ndjenja dhe dashuri, është i mrekullueshëm, i ngrohtë dhe romantik. Por kur marrëdhënia përdoret thjesht për kënaqësi atëherë kthehet në rutinë. Dhe pornografia e nxjerr seksin jashtë kontekstit të ndjenjave. Pornografia është një biznes i madh që bën shumë para pa u kujdesur se si. Ata të tregojnë çdo gjë që mendojnë se do të të bëjë të vish të blesh prapë. Imazhet e seksit që jep pornografia shihen ditët e sotme nga shumë njerëz, ku mes tyre mund të këtë dhe nga ata që nuk lejohen për shkak të moshës. Një nga fushat më jetësore të mjedisit mendor është një ide e shëndetshme e asaj që ne jemi seksualisht. Nëse këto ide ndoten, një pjesë kyçe e qenies sonë shtrembërohet. Kultura pornografike të thotë se seksi, dashuria dhe intimiteti janë e njëjta gjë.