Ka shkuar per t'u furnizuar me "lengun e jetes", por eshte bere bartes i Hepatitit C. Ky ka qene fati i nje vogelushi nga Fieri, i cili vuan nga hemofilia. Ndersa ka qene duke marre gjak ne Spitalin Pediatrik, ai eshte infektuar me hepatit, cka ia veshtireson gjendjen, nisur nga problemet e vazhdueshme qe ka pasur me gjakun. Keshtu, prej me se nje viti e gjysme, Brunilda Rrapo nga Fieri e ka kthyer pavijonin e semundjeve te gjakut ne Pediatri, ne shtepi te dyte. Vogelushi i saj dy vjecar vuan nga semundja e gjakut, hemofilia dhe ajo detyrohet te vije cdo muaj ne Tirane per ta mjekuar ne pavijonin e semundjeve te gjakut, ne Pediatri. Ne mungese te medikamentit baze per trajtimin e tij, faktorit 8, mjeket e kane mjekuar me plazme gjaku, prej te cilit eshte infektuar me hepatit C. Ky i fundit njihet ndryshe edhe si "verdheza e zeze". Por ky nuk eshte i vetmi shqetesim per Brunilden, apo edhe per nena te tjera qe kane te shtruar femijet ne Pediatri. Shume prinder femijesh te tjere jane ankuar se ne pavijonin e semundjeve te renda te gjakut ne QSUT,kalojne kalvar vuajtjesh per sherimin e femijeve te tyre. Kjo, sepse prej disa muajsh kriza e medikamenteve i ka detyruar ata t'i blejne ilacet jashte spitalit, e madje edhe jashte vendit, per shkak te cilesise. Ndryshe e paraqesin situaten drejtuesit e spitalit Pediatrik. Sipas tyre, medikamentet me kryesore jane siguruar, madje ne farmacine e spitalit gjenden dhe faktore 8 e 9, cka eshte mohuar nga prinderit e pacienteve te vegjel. Kriza e medikamenteve ende nuk po zgjidhet me gjithe premtimet e drejtorise se QSUT dhe Ministrise se Shendetesise. Sigurimi i sasive te pakta nuk arrin te mbuloje nevojat e pacienteve, duke rrezikuar njekohesisht dhe prekjen e tyre nga infeksionet spitalore, sic ishte rasti i fundit i mikrobit te stafilokokut ne pavijonin e kardiokirurgjise. Propozimi i QSUT-se per perdorimin e fondit prej 70 milione lekesh qe duhet te shkoje per blerjen e medikamenteve, ende nuk eshte marre parasysh nga Ministria e Shendetesise, pa perjashtuar edhe kerkesen per shtimin e 61 barnave qe shefat e sherbimeve ne QSUT kane kerkuar t'i shtohet listes aktuale.
