INFORMACIONE RRETH LOJTAREVE SHQIPTARE QE DEBUTOJNE NE KAMPIONATET E HUAJA

SKELA
Ervin Skela ka marrë elozhe nga trajneri i Eenergi Kotbusit, Bojan Prasnikar, pas fitores 4-1 të gjermanëve përballë ekipit turk të Ankaraguçu. “Ekipi është në formë të shkëlqyer, por më duhet të pohoj se Skela është vërtet i jashtëzakonshëm. Ai demonstron në çdo ndeshje se mund të bëjë diferencën në çdo moment”, ka thënë tekniku. Skela shënoi golin e katërt në fitoren e skuadrës së tij, në minutën e 84-ët, por ai ishte aktivizuar si zëvendësues në minutën e 63-të në këtë takim.

SALIHI

Hamdi Salihi ka luajtur si titullar në ndeshjen e djeshme kundër SV Pashingut, ku Riedi i tij nuk arriti të merrte më tepër se sa një barazim pa gola.Sulmuesi shqiptar ka bërë një paraqitje të kënaqshme dhe ka pasur raste të mira për të shënuar, por nuk ka mundur ta dërgojë topin në rrjetë. Në minutën e 82-të ai është penguar brenda zonës, por gjyqtari nuk ka pranuar të akordojë 11-metërsh në favor të skuadrës së Riedit.

Besart Berisha, debutim me dopietë për Rosenborg
Besart Berisha duket se është rikthyer më së miri në futbollin e luajtur. Vetëm pak ditë pasi është transferuar në formë huazimi te skuadra më e madhe norvegjeze Rosenborg shqiptari ka bërë edhe debutimin më skuadrën e tij të re. Dhe çfarë debutimi. Duke shënuar dy gola në fitoren e skuadrës së tij duke bërë menjëherë diferencën te skuadra norvegjeze.Berisha është futur si titullar në këtë përballje duke luajtur në sulm bashkë me Steffen Iversen. Ky i fundit ka shënuar golin e parë për Rosenborg në minutën e 10-të, ndërsa golat e Besart Berishes kanë ardhur në harkun e dy minutave, në të 52-tën dhe 54-tën.Besart Berisha ditë më parë është huazuar te Rosenborg në mënyrë që të rikthejë sa me shpejt formën e tij pas dëmtimit që e kishte lënë jashtë fushave për një vit.
Kosovari 23-vjeçar duket se përshtatet shumë mirë në futbollin skandinav. Më parë ai ka luajtur në Danimarkë me Aalborg dhe Horsens. Me këtë të fundit të sezonin 2005-06 ka shënuar 11 gola duke qenë golashënuesi më i mirë i skuadrës së tij.

Kapllani gol në Kupën e Gjermanisë


Edmond Kapllani e ka filuar me gol sezonin e ri të futbollit gjerman. Sulmuesi i kombëtares shqiptare ka shënuar gol në fitoren e Karlsruhe ndaj skuadrës së Ansbach në turin e parë të Kupës së Gjermanisë, ndeshje kjo e mbyllur me rezultatin 5-0 në të mirë të KSC.
Shqiptari është futur në lojë në pjesën e dytë në vend të Kennedy dhe ka shënuar golin e katërt për skuadrën e tij në minutën e 56-të me një gjuajtje me kokë. Në një farë mënyrë Kapllani ka fituar duelin me australianin, që ëhstë konkurenti i tij direkt për një vend titullari pasi ky i fundit nuk e ka gjetur rrugën e rrjetës në 45 minutat e tij që ka pasur në dispozicion.