POGRADEC VRITET NJE PERSON KAPET AUTORI

POGRADEC - Një ngjarje e rëndë ka ndodhur në qytetin e Pogradecit ku një person i paidentifikuar ka mbetur i vrarë me mjete të forta. Lajmi është bërë i ditur nga burime të policisë lokale të cilët thanë se kanë arrestuar autorin e vrasjes. Bashkim Mucka, 46-vjeç ka vrarë me mjete të forta viktimën i cili ende nuk është identifikuar. Gjithçka ka ndodhur në banesën e viktimës, në lagjen 4 të qytetit të Pogradecit. Ndërkohë mësohet se 46-vjeçari ka qenë në kushte të rënda depresive dhe aktualisht është duke u marrë në pyetje rreth ngjarjes. Ende nuk bëhen të ditura motivet dhe rrethanat e sakta të këtij krimi, ndërsa policia ka nisur hetimet.





































(a.s/Balkanweb)