DURRES VRITET ME PISTOLETE NE QENDER TE QYTETIT 25 VJECARI

DURRES- Persona ende të paidentifikuar kanë qëlluar me pistoletë në drejtim të një të riu në mes të qytetit të Durrësit. Ngjarja ndodhi rreth orës 12:16 minuta në lagjen numër 4 prapa pallatit të Kulturës, përpara spitalit të vjetër në këtë qytet. Të dhënat e para dëshmojnë se në fillim ka pasur një sherr mes viktimës dhe tre personave të tjerë. Më pas sherri kishte degjeneruar në nxjerrjen e armëve. Forcat blu të qytetit të Durrësit pohojnë se edhe viktima kishte pasur armë me vete, por nuk ka mundur dot ta nxirrte atë, pasi është qëlluar nga kundërshtari i tij me 4 plumba pistolete. 25 vjecari nga Shkozeti i Durrësit ka gjetur vdekjen teksa po hynte në sallën e operacionit, pasi plumbat e kanë goditur atë në gjoks.
Policia thotë se një person është i dyshuar, por nuk bën të ditur emrin për arsye hetimi. Pesë persona janë shoqëruar në Drejtorinë e Policisë së Durrësit si dëshmitarë okularë të vrasjes që tronditi qytetin bregdetar në mes të ditës. Gjithashtu ekspertë të kriminalistikës dhe prokurorë ndodhen në vendngjarje për të mbledhur provat që do të cojnë në zbardhjen e motiveve dhe të autorëve të kësaj vrasjeje.