TIRANE BLLOKOHEN 3 MAKINA LUKSOZE

Tre makina luksoze janë bllokuar nga antitrafiku, pasi rezultojnë të vjedhura jashtë Shqipërisë.Sipas të dhënave të policisë u kryen veprimet procedurale për automjetin tip BMW, me targë BY617EP. Ky automjet u bllokua në afërsi të Institutit të Higjienës, pasi nga verifikimet e bëra rezulton se është denoncuar
i vjedhur në Serbi. Gjatë momentit të bllokimit, mjeti drejtohej nga Erion Abdyl Rrushi, 27 vjeç.Ndërkohë, u kryen veprimet edhe për një "Kadillak Escalade", me
targë LU198904. Ky mjet është bllokuar nga policia rrugore, sepse nga verifikimet rezulton i vjedhur në Zvicër, më datë 10 korrik 2003.Ky automjet i përket Ermal Laçit, i cili në momentin e bllokimit ka braktisur këtë automjet dhe është larguar, ndërsa po punohet për kapjen e tij. Gjithashtu, policia tha se bllokoi edhe me një mjet "Volkswagen", me targa TI212980. Nga verifikimet e bëra rezulton se ky mjet është denoncuar i vjedhur në Itali, më datë 14 nëntor 2006. Gjatë momentit të sekuestrimit, mjeti drejtohej nga Blerim Skënder Rrenollari,18 vjeç, banues në Tiranë.Ky automjet rezulton se mund të jetë trafikuar nga shtetasi zviceran,Samuel Kramerr. Materialet i kaluan prokurorisë, për veprën penale të "trafikimit të mjeteve motorike.